Biden: Drejt shpalljes së emergjencës së shëndetit publik lidhur me abortin

Presidenti i SHBA Joe Biden tha se i ka kërkuar administratës së tij të shqyrtojë nëse ajo ka autoritetin për të shpallur një emergjencë të shëndetit publik lidhur me abortin, pas vendimit të Gjykatës së Lartë që rrëzoi vendimin e vitit 1973 Roe kundër Wade.

Deklarata vjen pas nënshkrimit të një urdhri ekzekutiv për të lehtësuar aksesin në shërbimet e ndërprerjes së shtatzënisë.

I pyetur nga gazetarët nëse po konsideronte shpalljen e një emergjence të shëndetit publik për mundësinë e abortit, Biden u përgjigj se ai i kishte kërkuar stafit të tij të shqyrtonte “nëse ai ka pushtetin” dhe cilat do të ishin implikimet.

Presidenti demokrat i SHBA-së ka qenë nën presion nga partia e tij për të ndërmarrë veprime pas vendimit të muajit të kaluar për të përmbysur çështjen historike Roe kundër Wade të vitit 1973, e cila përmbysi gati 50 vjet mbrojtje për të drejtat riprodhuese të grave.

Biden tha se qëllimi i tij ishte të kodifikonte të drejtat e abortit përmes legjislacionit.

“Vazhdoni të protestoni. Vazhdoni të flisni atë çfarë mendoni. Është jashtëzakonisht e rëndësishme. Ka shumë gjëra që mund të bëjmë për të lehtësuar të drejtat e grave”, i tha Biden protestuesve./ CNN.gr

/rtsh.al/