Bllokohet droge ne Ankona
Nuk ndalet trafikimi i lëndëve narkotike nga Shqipëria. Pas kapjes së sasive të mëdha në Bari, sekuestrimi i radhës është kryer në portin e Ankonës.
302,5 kilogramë marijuanë, me një vlerë në treg prej rreth 3 milionë euro, janë bllokuar në një kamion me targa shqiptare, që vinte nga Greqia.
Drejtuesi i automjetit dhe bashkëshortja e tij, të dy shtetas shqiptarë, janë arrestuar me akuzën e trafikut ndërkombëtar të lëndëve narkotike dhe ndodhen të mbyllur në burgun Montacuto.
Ata janë tradhëtuar nga nervozizmi i shfaqur gjatë kontrollit të kamionit, i ngarkuar me arka bosh, të cilat do të mbusheshin me fruta dhe perime. Një ngarkesë e pazakontë kjo, që çoi forcat e rendit në një kontroll më të imët me ndihmën edhe të qenëve antidrogë.
Droga ishte e ndarë në 280 pako dhe ishte e fshehur në një taban të dyfishtë të krijuar në kamion. Hetimet, në nivel ndërkombëtar, tani synojnë të zbulojnë se ku do të dorëzohej kjo sasi droge.
302,5 kilogramë marijuanë, me një vlerë në treg prej rreth 3 milionë euro, janë bllokuar në një kamion me targa shqiptare, që vinte nga Greqia.
Drejtuesi i automjetit dhe bashkëshortja e tij, të dy shtetas shqiptarë, janë arrestuar me akuzën e trafikut ndërkombëtar të lëndëve narkotike dhe ndodhen të mbyllur në burgun Montacuto.
Ata janë tradhëtuar nga nervozizmi i shfaqur gjatë kontrollit të kamionit, i ngarkuar me arka bosh, të cilat do të mbusheshin me fruta dhe perime. Një ngarkesë e pazakontë kjo, që çoi forcat e rendit në një kontroll më të imët me ndihmën edhe të qenëve antidrogë.
Droga ishte e ndarë në 280 pako dhe ishte e fshehur në një taban të dyfishtë të krijuar në kamion. Hetimet, në nivel ndërkombëtar, tani synojnë të zbulojnë se ku do të dorëzohej kjo sasi droge.