Bogdanoviç: Beogradi, gati për kompromis

Drejtuesi i të ashtuquajturës Ministri për Kosovën në qeverinë serbe, Goran Bogdanoviç ka deklaruar se Beogradi zyrtar është i gatshëm për kompromis, me qëllim të zgjidhjes së çështjes së Kosovës.

“Askush nga negociatorët tanë nuk është i gatshëm të tejkalojë linjat e kuqe, dhe kjo është dëgjuar nga negociatorët, por edhe nga presidenti Boris Tadic”, ka thënë Bogdanoviç, bën të ditur Telegraf.

Sipas tij, në qeverinë serbe nuk ka asnjë njeri i cili me nënshkrimin e tij do të pranonte pavarësinë e Kosovës.