“Bredhi i Sotirës”, afro 2 mijë vizitorë përgjatë 8 muajve të këtij viti

Promovimi i Parkut Natyror ” Bredhi i Sotirës ” nga strukturat shtetërore dhe vendore, ka bërë që në 8 muaj e parë të vitit zona të ketë vizitueshmëri të lartë krahasuar me një vit më parë.

Vlerat shkencore dhe eko-turistike, biodiversitet i lartë , në sipërfaqen prej 1740 hektarë të parkut, por edhe mikpritja jo vetëm në Sotirë, por edhe në fshatrat përreth, kanë rritur interesimin e vizitorëve vendas dhe të huaj, ndërsa grupet vendase i shoqërojnë në malet e Murganës dhe Stugarës.

Spiro Proko, pronar i një lokali në fshatin Llongo,  pjesë e Parkut Natyror të Sotirës ka pritur dhe ka përcjellë mijëra vizitorë gjatë kësaj periudhe .

“Kishte turistë nga Italia, Gjermania, Holanda, Austria. Ishte i vit i kënaqshëm. Po ecën mirë. Besoj se do kemi dhe turistë vendas”, tha Llongo.

Për promovimin e zonës në muajin maj në Parkun Natyror ” Bredhi i Sotirës”, u zhvillua aktiviteti më i madh sportiv , në edicionin e 3-të ” Murgana Run”, me pjesëmarrjen e 160 atletëve nga Shqipëria dhe Greqia.

/rtsh.al/