Bruksel, Fule paraqet raportin për Serbinë
BRUKSEL - Komisioneri i Zgjerimit të Bashkimit Evropian, Stefan Fule do të dorëzojë sot një raport në Parlamentin Evropian për progresin e Serbisë në integrimin evropian, ndërkohë që ky i fundit do të diskutojë nesër një projektrezolutë për Serbinë.
Raporti do të merret me reformat e brendshme në Serbi, me bashkëpunimin rajonal, luftën ndaj korrupsionit dhe krimit të organizuar këto gjashtë muajt e fundit.
Raporti do të paraqitet nga Fule para Kolegjiumit të Komisionit Europian këtë pasdite, sipas njoftimeve nga Brukseli.
''Raporti do të përfshijë një vështrim të shkurtër rreth zhvillimit të dialogut Prishtinë-Beograd, që përfundoi pa marrëveshje rreth shkallës së autonomisë së komunitetit serb në komunat e Kosovës Veriore, ditët e para të këtij muaji'', njoftoi agjencia serbe e lajmeve, TANJUG.
Anëtarët e Parlamentit Europian do të diskutojnë nesër projektrezolutën për Serbinë, të përgatitur nga reporteri i Parlamentit Europian për vendin ballkanik, Jelko Kaçin.
Projektrezoluta e Kaçinit, në të cilën Këshilli Evropian nxitet, sapo të krijohen kushtet e përshtatshme, për të caktuar një datë për fillimin e bisedimeve për pranimin e Serbisë në BE, tashmë është pranuar nga Komitieti i Parlamentit Evropian për Punët e Jashtme dhe do të kalojë pa bërë në të ndryshime të mëdha.
Të dyja këto raporte do të jenë uvertura për datën 22 prill, kur përfaqësuesja e lartë e Bashkimit Europian e Punëve të Jashtme dhe Politikat e Sigurimit, Catherine Ashton, do të informojë në detaje ministrat e Jashtëm të Bashkimit Europian rreth dialogut Prishtinë-Beograd.
Më pas, ministrat e Bashkimit Europian do të vendosin nëse Serbia i ka përmbushur kërkesat për të fituar një datë për fillimin e bisedimeve për pranimin në BE.
(d.b/BalkanWeb)
Raporti do të merret me reformat e brendshme në Serbi, me bashkëpunimin rajonal, luftën ndaj korrupsionit dhe krimit të organizuar këto gjashtë muajt e fundit.
Raporti do të paraqitet nga Fule para Kolegjiumit të Komisionit Europian këtë pasdite, sipas njoftimeve nga Brukseli.
''Raporti do të përfshijë një vështrim të shkurtër rreth zhvillimit të dialogut Prishtinë-Beograd, që përfundoi pa marrëveshje rreth shkallës së autonomisë së komunitetit serb në komunat e Kosovës Veriore, ditët e para të këtij muaji'', njoftoi agjencia serbe e lajmeve, TANJUG.
Anëtarët e Parlamentit Europian do të diskutojnë nesër projektrezolutën për Serbinë, të përgatitur nga reporteri i Parlamentit Europian për vendin ballkanik, Jelko Kaçin.
Projektrezoluta e Kaçinit, në të cilën Këshilli Evropian nxitet, sapo të krijohen kushtet e përshtatshme, për të caktuar një datë për fillimin e bisedimeve për pranimin e Serbisë në BE, tashmë është pranuar nga Komitieti i Parlamentit Evropian për Punët e Jashtme dhe do të kalojë pa bërë në të ndryshime të mëdha.
Të dyja këto raporte do të jenë uvertura për datën 22 prill, kur përfaqësuesja e lartë e Bashkimit Europian e Punëve të Jashtme dhe Politikat e Sigurimit, Catherine Ashton, do të informojë në detaje ministrat e Jashtëm të Bashkimit Europian rreth dialogut Prishtinë-Beograd.
Më pas, ministrat e Bashkimit Europian do të vendosin nëse Serbia i ka përmbushur kërkesat për të fituar një datë për fillimin e bisedimeve për pranimin në BE.
(d.b/BalkanWeb)