Bruno Fernandes udhëheq Manchester United

Kapiteni Bruno Fernandes ndihmoi Manchester United të siguronte fitoren e parë të sezonit, duke shënuar një tregolësh në një fitore me përmbysje, 5-2 ndaj Ipswich Town në Old Trafford.

Djajtë e Kuq e nisën ndeshjen vrullshëm, por ishin miqtë që arritën të gjejnë rrugën e rrjetës pak para gjysmë ore lojë, 1-0 nga Davis.

Frika e një humbjeje të mundshme kundër një skuadre të sapongjitur në Premier u rikthye menjëherë në Old Trafford pas debutimit zhgënjyes kundër Hull City, por Bruno Fernandes i shpëtoi Djajtë e Kuq. Portugezët barazo menjëherë rezultatin në minutën e 40-të, duke e çuar ndeshjen në 1-1 në pjesën e parë.

Në minutën e 56-të, lojtarët e Carrick kompletuan rikthimin e tyre: goditja e Maguire në zonë u devijua nga Greaves, i cili e mposhti portierin Scherpen dhe shënoi në portën e tij.

Pas epërsisë 2-1, shfaqja e Bruno Fernandes vazhdoi: në minutën e 60-të, ai shënoi golin e tretë me penallti, pastaj në minutën e 68-të,  e çoi topin në rrjetë për ta bërë rezultatin 4-1. Mbeumo më pas vulosi rezultatin në minutën e 82-të, duke e bërë rezultatin 5-1 me një asist nga Bruno Fernandes. Akpom shkurtoi shifrat në 5-2 në minutën e 91-të, duke e bërë disavantazhin e miqve më pak të rëndë. Manchester United merr tri pikët e para, ndërsa Ipswich mbetet i bllokuar në 3 pikë.