Bumci: Vendoret e PS ti drejtohen gjykates

Vendoret socialiste mund t’i drejtohen Gjykates Kushtetuese. Ky eshte sugjerimi i deputetit demokrat, Aldo Bumçi, pas deklarates se deputetit te opozites, Eduart Shalsi, se qeveria po shkel autonomine vendore.

Ne nje prononcim per gazeten “Shqip”, Bumçi vleresoi se deklaratat per nje pezullim te mundshem te  sherbimeve nga ana e njesive vendore qe drejtohen nga te majtet jane retorike boshe, ndersa permendi se vizita e Presidentit te autoriteteve lokale dhe rajonale te Keshillit te Europes ne Shqiperi disa dite me pare konstatoi progres ne lidhje me decentralizimin e pushtetit vendor.

“Une nuk e kam ndjekur deklaraten, por mendoj se kjo eshte nje retorike boshe. Para pak ditesh ishte ne Tirane kreu i kongresit te autonomise vendore, i cili takoi kreret e qeverise dhe shtetit. Ai konstatoi progres sa i takon autonomise vendore dhe ecurise se procesit te decentralizimit ne vend. Rrjedhimisht, kjo ishte pergjigjja me e mire per ata qe pretendojne per shkelje te autonomise vendore”, tha deputeti i Partise Demokratike.