Bushati: ADK-ja e vetmja mundësi e punësimit të të rinjve

Partia Aleanca Demokristiane ka prezantuar me të rinjtë kandidaten për deputete në qarkun e Tiranës Ana Preka.

Kreu i kësaj partie Zef Bushati u shpreh se të rinjtë e kryeqytetit duhet të votojnë për ADK-në pasi ajo është e vetmja mundësi për një jetesë më të mirë.

Kandidatja për deputete për Tiranën Ana Preka u premtoi të rinjve më tepër punësim nëse ata i japin votën në zgjedhjet e 23 qershorit.

Kryetari i ADK-së dhe kandidatja për deputete në qarkun e Tiranës  diskutuan më pas me të rinjtë dhe problemet të cilat i shqetësojnë ata.