“Buxheti i kuruar e në mbështetje të qytetarëve”, eksperti analizon dokumentin e qeverisë: Përmban politika sociale

Ndërsa diskutohet në nivel ekzekutiv legjislativ, buxheti i vitit të ardhshëm projektohet në vlerësimet e ekspertëve nga disa këndvështrime. Ekspert në vite e drejtues në disa institucione, Eduard Gjokutaj e sheh të kujdesshëm planifikimin në këndvështrim biznesi.

“Buxheti është i kuruar sa i përket hartimit të tij. Buxheti fillon të mbajë dhe luaj një rol konservator sa i përket investimeve në infrastrukturë, por tashmë edhe në mbrojtje dhe më pak investime në inovacion dhe në kërkime-zhvillimi të cilat kanë peshën e tyre. Investimet në inovacion dhe kërkim-zhvillim i shërbejnë atyre industrive që i përdorin”, u shpreh Gjokutaj.

Sipas ekspertit Gjokutaj, të konsideruara janë edhe politikat sociale.

“Në këndvështrimin e qytetarit, përfitueshmëria vijon të mbete kryesisht te shtresat vulnerabël, të cilat marrin një fond më të shtuar se viti iu kaluar. Në këtë këndvështrim që e kemi parë, edhe fondet për pensionet, nëse nuk do të ketë burime shtesë apo edhe forma të tjera financimi, nuk mbulohen dot me fondet e këtij buxheti pa ndërhyrje të tjera  në vitin 2026”, theksoi eksperti.

Për qytetarin ka politika mbështetëse.

Për një shtresë më specifike, atë të të rinjve, ky projektimi i buxhetit ka mundësi të jetë më reflektiv.

“Politikat për të rinjtë, kemi një shikim më të kujdesshëm se në vitet e kaluara, por është shumë pak reflektiv në raport me ato se çfarë nevojat dhe kërkesat në rritjet të cilat janë të mbartura, por janë edhe kërkesat e reja”, deklaroi Gjokutaj.

Gazetare: Entela Komnino

/rtsh.al/