CEO i Pfizer Albert Bourla infektohet me COVID, nis trajtimin me Paxlovid
Është infektuar me COVID Drejtori i Përgjithshëm i Pfizer, Albert Bourla. Lajmi është konfirmuar nga vetë Bourla i cili ka deklaruar se po përjeton simptoma të lehta dhe ka nisur përdorimin e Paxlovid.
Timetotimes, raporton se Bourla shprehu bindjen se do të shërohet së shpejti për shkak të asaj se sa larg ka arritur bota në luftën kundër koronavirusit dhe shprehu mirënjohjen e tij për kolegët e tij që kanë punuar për t’i bërë vaksinat dhe trajtimet të përballueshme.
“Dëshiroj t’ju informoj se kam rezultuar pozitiv me #COVID19. Jam mirënjohës që kam marrë katër doza të vaksinës Pfizer-BioNTech dhe ndihem mirë, megjithëse simptomat e mia janë shumë të lehta. U izolova dhe fillova kursin e Paxlovid-it”, tha ai.
Paxlovid mori lejen e përdorimit të urgjencës nga FDA në dhjetor 2021. Paxlovid mund të përdoret për të trajtuar Covid-19 të butë deri të moderuar te njerëzit 12 vjeç e lart, me peshë të paktën 88 kilogramë dhe në rrezik për sëmundje të rënda. Presidenti Joe Biden mori Paxlovid kur u testua pozitiv për Covid-19 muajin e kaluar.
/rtsh.al/