Camerun anullon vizitën në Afganistan

Kryeministri i Britanisë së Madhe Devid Camerun, ka anulluar vizitën e tij në jug të Afganistanit, për t'u takuar me kontigjentin britanik të cilët ndodhen në mision atje.

Në një sqarim për publikun bashkëpunëtorët e kreut të qeverisë britanike, njoftuan se anullimi i vizitës së parashikuar për ditën e enjte, u bë për shkak të kushteve të sigurisë pasi nga informacionet e marra prej shërbimeve sekrete pas përgjimit të një telefonate, mundësia e atentateve terroriste ishte e lartë.

Camerun pati parashikuar një vizitë në jug të Afganistanit për të vizituar trupat britanike të cilët ndodhen me mision atje.

Në vizitën e tij të parë në Kabul pas zgjedhjes së tij si kryeministër, Camerun u takua me presidentin afgan, Hamid Karzai.