“Carmina Burana”, Çelet sezoni i ri artistik

Rreth 150 artistë shqiptarë interpretuan në shfaqjen "Carmina Burana", kompozuar nga gjermani Carl Orff në vitin 1936. Premiera erdhi e përshtatur në një version ndryshe për skenën shqiptare, ku këngëtarë dhe balerinë ishin protagonistë së bashku në skenë. "Carmina Burana", u shfaq mjaft suksesshëm në skenën e Teatrit Kombëtar të Operas dhe Baletit në Tiranë. Kjo ishte e para për sezonin e ri artistik.

Në rolet kryesore interpretonin këngëtarët e talentuar Erlind Zeraliu dhe Erjona Gjyzeli, balerinët Dion Gjinika, Erald Zela, Suela Guri, Elona Nallbani, ndërsa orkestra e TKOB u dirigjua nga italiani Fabio Pirona.