“Çdo komb çlirohet me përpjekjet e veta”/ Kalaja: Të mos kërkojmë vetëm nga Zoti dhe ndërkombëtarët

Nuk i mungoi protestës së sotme as ish-kandidati i PD-së për deputet, gazetari dhe aktivisti Aulon Kalaja.

Ai u bëri thirrje qytetarëve që të zgjohen dhe të kërkojnë të drejtën e tyre.

“Të zgjohemi dhe të mos kërkojmë vetëm nga Zoti dhe ndërkombëtarët. Të huajt nuk do të na presin nëse nuk jemi zot të vendit dhe armikut ti japim datë. Çdo komb çlirohet me përpjekjet e veta. Fati i buzëqesh vetëm guximtarëve dhe kurrë nuk është arritur gjë e madhe, pa përpjekje të mëdha”, tha Kalaja.

Një thirrje e pati edhe për kryeministrin Rama.

“Shpirtin me bukë mbaje, por mos e bëj leckë dinjitetin e atdheut”, u shpreh ai.

“Shqipëria është vend aq i korruptuar saqë të quajnë njeri të mirë vetëm duke mos bërë keq. Çdo pushtet që shkel ligjin nuk quhet qeveri, por mafia”, tha Kalaja.

LEXO EDHE: FOTOT PIKANTE nga protesta e Opozitës