Cesar nuk largohet nga Interi
Julio Cesar ka mohuar spekulimet rreth largimit të tij nga Inter, pavarësisht transferimit të portierit Samir Handanovic nga Udinese.
Braziliani ka insistuar se ardhja e sllovenit nuk shënon përfundimin e karrierës së tij në Giuseppe Meazza. “Handanovic është portier i mirë, dhe është mirë për ekipin të ketë tre portierë të mirë”, tha Cesar për Sky Sports 24.
“Kam kontratë deri më 2014 dhe jam anëtar i Interit. Mendoj se do të mbetem dhe të luftoj për një vend në formacionin bazë”, përfundoi ai.