Daçiq: EULEX me 'udhëzon' ta lexoj sajtin e Policisë së Kosovës

Ministri i punëve të brendshme Ivica Daciqi deklaroi sot se do të vazhdojë presionin në komunitetin ndërkombëtar për të liruar serbët e prangosur në Kosovë dhe kërcënoi se "do të prangoset çdo kush që rrezikon rendin kushtetues të Serbisë".

Ai gazetarëve në Beograd u ka deklarua se askush nuk reagon në prangosje të policive serb dhe thotë se i ka thirr të gjithë radhazi, nga Cathrin Ashton deri te ambasadorët e huaj dhe shumë faktorë të tjerë ndërkombëtar.

“Me rastin e thirrjes së EULEX-it shpesh, thotë Daçiq, nuk përgjigjen në telefon, por udhëzojnë për të lexuar sajtin e MPB të Kosovës dhe Shërbimit policor të Kosovës”.

Ai theksoi se tërë komuniteti ndërkombëtar është ngritur kur janë prangosur dy shqiptarë me flet arrestet e Serbisë . Daciqi tha se “prangosja e policëve serb është problem shtetëror dhe theksoi se sot të gjithë serbet në Kosovë janë në ethe se a do të prangosen”, raporton agjencia serbe Beta.

Si dihet tanimë pesë serbët e arrestuar në rajonin e Gjilanit më 25 shkurt të këtij viti, janë lëshuar sot në liri, ka njoftuar e ashtuquajtura ministri për Kosovën.