Dalai Lama kritikon qeverinë kineze

Udhëheqësi shpirtëror i Tibetit, Dalai Lama, tha gjatë një video-konference me luftëtarin jug-afrikan kundër aparteidit, Desmond Tutu, se "hipokrizia" është bërë pjesë e jetës së përditshme në "sistemin komunist totalitar" të Kinës.

Pas refuzimit të vizës për të shkruar në Afrikën e Jugut, ku ishte ftuar për 80-të vjetorin e lindjes së Tutus, Lama u lidh me të në video-konferencë.

Duke komunikuar me shokun e tij të vjetër përmes internetit Dalai Lama i tha me shaka: "Gëzohem që tani për përvjetorin e 90-të të ditëlindjes tënde, mos harro të më dërgosh ftesë, që ta vëmë qeverinë tënde në provë". Shkaku i refuzimit të vizës për Dalai Lamën nga Afrika e Jugut ishin kërcënimet e qeverisë kineze ndaj qeverive të tjera, se në rast se do të prisnin Dalai Lamën, kjo do të çonte në keqësimin e marrëdhënieve bilaterale.

"Në sistemin totalitar komunist dhe jo vetëm komunist por në shumë sisteme totalitare, tregimi i gënjeshtrave është bërë për fat të keq pjesë e jetës së tyre", tha Dalai Lama.