Dell: Pakti, hap para ne raportet Prishtine-Shkup

Ambasadori amerikan ne Kosove, Christopher Dell ka mirepritur nenshkrimin e marreveshjes se demarkacionit mes Kosoves dhe Maqedonise.

Dell ka theksuar se marreveshja eshte arritur fale qellimeve te mira te dy vendeve dhe ka nenvizuar se ajo per Kosoven permbush nje tjeter kriter qe del nga pakoja e negociatorit Marti Ahtisari.

“Marreveshja tregon perkushtimin e te dyja shteteve per te ndertuar marredhenie te mira fqinjesore dhe stabilitet ne rajon”, ka deklaruar Dell.

Ai ka shtuar se kjo marreveshje i hap dyert vendosjes se marredhenieve diplomatike mes Prishtines dhe Shkupit.

Edhe shefi i Politikes se Jashtme te BE u eshte bashkuar urimeve dhe pershendetjeve ne adrese te Maqedonise dhe Kosoves.

Havier Solana eshte shprehur se marreveshja kufitare eshte shenje e pjekurise, pergjegjesise dhe respektit reciprok mes Shkupit dhe Prishtines.

“Uroj Maqedonine dhe Kosoven per marreveshjen e demarkacionit te kufirit. Shpresoj qe ajo te ratifikohet se shpejti edhe nga parlamentet perkatese”, ka deklaruar Solana.