Deputetet, ndalohen te flasin ulur

Te zgjedhurit e popullit nuk lejohen me te flasin ulur ne sallen e Kuvendit dhe as te votojne pa dhene me pare gjurmet e gishtave. Keto jane dy nder elementet kryesore qe u prezantuan dje si risi per deputetet e parlamentit. Nje sistem i ri elektronik votimi dhe rregullore e re, per procedimin me debatet, replikat dhe marrjen e fjales, e mbeshtetur nga pervoja evropiane, do te vihen ne zbatim nga deputetet e Kuvendit, duke nisur nga java qe sapo hyri. Drejtori i Kabinetit te Kryetares se Kuvendit, Malind Myftiu, ekspert i Teknologjise se Informacionit, pohoi se "instalimi i sistemit te ri elektronik te votimit ne Kuvend, ben te mundur edhe permbushjen e nje prej kerkesave te Progres Raportit te Komisionit Evropian".
Risite i beri te ditura dje kryetarja e Kuvendit, Jozefina Topalli gjate prezantimit qe beri perpara gazetareve sistemit te ri elektronik te votimit theksoi se ky sistem sjell transparence dhe garanci per nje proces te rregullt votimi. Kjo edhe per faktin sepse sistemi permban ne vetvete edhe identifikimin e shenjave te gishterinjve te deputeteve. Butonat e votimit jane futur thelle e te mbuluar dhe rezultati shfaqet vetem pas mbylljes se votimit, duke evituar ndikimin ne votim nga rritja apo ulja progresive e numrave. Sakaq, sistemi i ri ofron nje besueshmeri maksimale ne funksionim pasi cdo panel votimi kontrollohet nga sistemi kompjuterik kater here ne sekonde. Keshtu, duket se perfundimi i vendosjes se sistemit te ri elektronik te votimit ne parlament do t’i jape fund edhe votimit ne emer te shokut, dukuri qe ka shqetesuar prej kohesh perfaqesuesit e grupeve parlamentare. “Sistemi ka disa opsione mes te cileve eshte dhe ai i votimit me “shenjat e gishterinjve”, qe do te thote, se kur ka dyshim per prezencen apo menyren e votimit, mund te pershtatet edhe kjo menyre votimi. Kjo gje e ben votimin teresisht te sakte, transparent dhe te padiskutueshem”, - detajoi Topalli per mediat e mbledhura ne sallen e seancave plenare.
Ne panelet e votimit te cdo deputeti eshte instaluar nje ekran me ngjyra, i cili i tregon deputeteve, se cfare votimi behet, cili eshte rezultati, por dhe sa kohe u ka mbetur per te folur. Kryetarja e Kuvendit theksoi se ky eshte nje nder sistemet me te avancuara elektronike, qe ekzistojne ne parlamentet evropiane, duke pasur si software modelin qe funksionon aktualisht ne Parlamentin Evropian ne Bruksel dhe ne Luksemburg. Risia percakton se tashme deputetet shqiptare do te jene te detyruar te ngrihen ne kembe edhe per te replikuar me koleget e tyre ne salle. Kjo, ashtu sic ndodh dhe ne cdo parlament tjeter te Evropes, - u nenvizua gjate prezantimit.
Nga ana tjeter edhe transmetimet e drejtperdrejta te seancave plenare nga mediat do te behen me te lehta dhe me nje cilesi me te larte. Keshtu per te rritur transparencen per median, do te kete mbi 40 dalje per audio. Nga vendosja edhe e telekamerave qe jane ne te gjithe sallen, do te behet e mundur qe menjehere te regjistrohet ne DVD. Po ashtu, edhe puna e transkriptimit pritet te jete me e sakte dhe me e shpejte.
Seanca
Pasditen e sotme per here te pare deputetet ne seance plenare do te votojne me sistemin e ri elektorik. Vendosja e ketij sistemi e ka modernizuar ne dukje sallen e seancave plenare. Kjo sepse pervec monitoreve te medhenje qe do te gjenden ne te, deputetet do te kene mbi tavolinat e tyre edhe ekran me ngjyra LCD , i cili do t’ju tregoj se cfare votimi behet dhe sa kohe u ka mbetur per te folur.
Kostoja
Sistemi i ri elektronik i montuar ne Kuvend i ka kushtur buxhetit te ketij institucioni 298 mije Euro. Drejtori i Kabinetit te Kryetares se Kuvendit, Malind Myftiu deklaroi se ky eshte nje investim i suksesshem per faktin sepse eshte nje sistem votimi nga me te avancuarit ne Evrope dhe i ndertuar me nje kosto relativisht te ulet, krahasuar me parlamentet e tjere evropiane qe e kane montuar ate.
Siguria
Perfaqesuesit e parlamentit sigurojne se sistemi i ri permbush 100 per qind kerkesat e paraqitura nga Grupet Parlamentare, duke filluar qe nga garantimi i fshehtesise se votimit. Sistemi ka disa opsione mes te cileve eshte dhe ai i votimit me “shenjat e gishterinjve”. Drejtori i Kabinetit te kryeparlamentares, Malind Myftiu theksoi se sistemi permbush edhe nje nga objektivat e progres-raportit te Bashkimit Evropian per Shqiperine.