Dështojnë bisedimet, projekt-ligji antiracizëm ndan qeverinë greke

Greqi- Bisedimet midis partive qeverisëse të Greqisë mbi faktin sesi do të trajtohet një rritje e dhunës kundër emigrantëve nuk ka gjeneruar në një marrëveshje.

PASOK, partia më e madhe e dytë e koalicionit tre-partiak grek, dëshiron për të futur një ligj antiracizëm që të kufizojë aktivitetet e partisë të ekstremit të djathtë, Agimi i Artë.

Por, partia më e madhe, Demokracia e Re, beson se ligjet ekzistuese janë të mjaftueshme.

Nga ana tjetër grupet e të drejtave të njeriut kanë shprehur alarmin në rritje mbi sulmet kundër pakicave etnike në Greqi.

Evangelos Venizelos, lideri socialist i PASOK-ut, duke iu referuar Agimit të Artë tha: “Ne kemi një detyrim ndërkombëtar…të kemi legjislacion gjithëpërfshirës kundër sjelljes pro-naziste dhe të dhunshme racore”.

Agimi i Artë ka fituar me shpejtësi mbështetjen e popullit grek gjatë krizës së rëndë ekonomike dhe sociale të Greqisë, duke fituar 18 vende në zgjedhjet e fundit parlamentare. Ai përdor gjuhë të fortë antiemigrantë dhe emblema e saj i ngjan një partie neo-naziste.

Zoti Venizelos tha se ai dëshironte që ligji të miratohej me mbështetjen e dy partive kryesore të koalicionit së bashku me të Majtën Demokratike. Por pas bisedimeve të hënën vonë ai tha se nuk kishte “asnjë marrëveshje politike”.

Sakaq ai tregoi se në qoftë se Demokracia e Re refuzon ta mbështesë ligjin, ai ende mund të paraqitet në parlament, ku mund të kalohet me mbështetjen e së Majtës Demokratike dhe partisë së krahut të majtë të opozitës, SYRIZA.

Dorina Bilbili/IDEA/