Dhunohen monumentet e Kultures ne Tirane

Kohët e fundit është vënë re dhunimi i monumenteve të Kulturës në Tiranë. Ura e Tabakëve, e cila e gëzon këtë status, ka rënë preh e artistëve të rrugës, të cilët kanë pikturuar një grafit shumëngjyrësh të një përmase të madhe mbi këtë urë, gjë që i krijon një pamje aspak të këndshme këtij monumenti. Drejtori i Drejtorisë rajonale të Monumenteve të Kulturës Arber Kadia i bën thirrje këtyre artistëve që të distancohen nga dhunimi i veprave të artit.
Gjithashtu Kadia thotë se së shpejti këto monumenete do të paijsen me kamera për mbrojtjen e tyre.
Ura e Tabakëve i përket shekullit të XVII-XVIII, ka një strukturë të gurtë, të formuar me dy harqe dhe është e shtruar me kalldrëm. Ajo dallon për arkitekturën e saj harmonike, si dhe për shpërndarjen proporcionale të elementeve të saj. Ura përbëhet nga një hark kryesor, mbi të cilin ngrihet ura në formë kurrizi.