Dinamo, Ilir Daja: E bukur edhe e vështirë të luash kundër Astanës

Trajneri i Dinamos, Ilir Daja foli në konferencë shtypi për ndeshjen e kthimit me Astanën, e vlefshme për turin e parë kualifikues të Conference League. Kujtojmë që në ndeshjen e parë të luajtur në “Elbasan Arena” skuadra nga Azerbajxhani fitoi me rezultatin 1-0.

Mes të tjerash ai theksoi: “Është një ndeshje, që ashtu si e para, ka vështirësitë e veta. E shton më shumë vështirësinë avantazhi i fitores në ndeshjen e parë nga Astana”.

“Por kur është e vështirë, ndonjëherë është më e bukur, kur realizohet objektivi. Para dy vjetësh, në drejtimin e Ballkanit, kam ndjerë mikpritjen këtu në Kazakistan”.

“Astana nën drejtimin e stafit teknik dhe trajnerit aktual ka një manovër të konsoliduar. Mendoj se është e bukur edhe e vështirë njëkohësisht të luash kundër Astanës”.

Ndeshja me Astanën luhet të enjten në Kazakistan, në orën 17:00.