Djegia e banesës së familjes Stërmasi – Hetimet përqendrohen tek shkëndija elektrike, banorët dolën në kohë

Një banesë në zonën e “Pazarit të Ri” në Tiranë, që u përfshi nga flakët pasditen e së enjtes, është shkrumbuar e tëra. Objekti, i cili përdorej për shërbime dhe strehim social, ishte pronë e Nezihat Stërmasit, bashkëshortja e ndjerë e Selman Stërmasit.

Zjarrfikësit luftuan me flakët për me shumë se një orë me tri automjete, duke shpëtuar banesat përreth.

Fatmirësisht nga flakët nuk ka pasur të lënduar nga flakët, ndërsa mësohet se në momentin e zjarrit në banesë ishin disa të moshuar, që mundën të dilnin nga ambientet para se të pësonin dëmtime.

Forcat zjarrfikëse vijojnë të qëndrojnë në terren për të monitoruar nëse ka ndonjë vatër zjarri që mund të aktivizohet.

Shkak për zjarrin dyshohet se është bërë një shkëndijë elektrike, ndërsa grupet hetimore po punojnë për zbardhjen e plotë të rrethanave.

Gazetare: Lusi Përgjegji

/rtsh.al/