"Dosjet", PD-PS perplasje e forte deklaratash
Partia Socialiste dhe Partia Demokratike permes prononcimet per mediat zhvilluan betejen e tyre te radhes per ceshtjen e denimit te krimit mbi komunizmin. Permes nje komunikimi per mediat, deputetja e selise roze, Ermonela Felaj, deklaroi dje se PS eshte me ata qe thone kush ka kryer krime ne te shkuaren, duhet te largohet nga jeta publike, prandaj kane nje pyetje per Sali Berishen. "A nuk eshte koha zoti Sali, qe shqiptaret ta dine te verteten e internimit te dy mjekeve te pafajshem, burre e grua, qe ju personalisht, si sekretar i Partise se Enver Hoxhes, i persekutuat deri sa perfunduan ne kamionin e Deges se Brendshme me gjithe plackat e shtepise?!", deklaroi Felaj. I menjehershem ishte reagimi i selise blu, nga ku zedhenesja e kesaj partie, Erla Mehilli deklaroi se "ne kulmin e tronditjes se shoqerise shqiptare nga zbulimi i varrezes masive ne veri te Tiranes, Edvin Kristaq Rama dhe pinjollet e "Bllokut", ne vend te kerkeses ndjese per krimet monstruoze te eterve te tyre, te cilet firmosen me mijera e mijera internime, burgosje e ekzekutime duke marre keshtu jete njerezish te pafajshem, kane perzgjedhur shpifjet dhe trillimet e nivelit me te ulet nepermjet tellalleve te tyre ordinere". "Cuditerisht sot ne kete dite, Edvin Kristaq Rama nuk ndoti ambientin me zerin dhe fytyren e Xheli Gjonit junior, as me ate te Hamit Beqes junior, as me ate te Sulejman Bushatit junior, pasi "ekipi shpresa i PPSH" duket se sot eshte fshehur", vijoi me tej zedhenesja e PD. D.D