Drejt përfundimit rikonstruksioni i Shkollës së Mesme të Bashkuar “Sotir Çapo” në Zharrëz

TIRANË, 14 maj/ATSH/ Vijojnë punimet për rilindjen e Shkollës së Mesme të Bashkuar “Sotir Çapo” dhe ndërtimin e palestrës së re në Zharrëz, Patos.

Kryeministri Edi Rama solli pamje nga ky investim i Ministrisë së Arsimit dhe Bashkisë Patos duke vënë në dukje se ai do të garantojë kushte dinjitoze për nxënësit dhe mësuesit, me klasa të reja, laboratorë modernë, bibliotekë dhe terrene sportive.

Rama theksoi se janë 42 shkolla në të gjithë vendin që do të rikonstruktohen me standarde bashkëkohore brenda këtij viti.

Infrastruktura arsimore si kompenent i rëndësishëm i mësimdhënies është në focus të politikave të Ministrisë së Arsimit.