Drita eliminohet nga Champions League
Drita është eliminuar në raundin e parë kualifikues të Champions League pas humbjes 3-2 të pësuar në “Fadil Vokrri” përballë Zalgiris, ndërkohë që në ndeshjen e parë gjithçka u mbyll në barazim 1-1. Goli i realizuar nga Benchaib në minutën e 94-t me penallti vendosi dhe fatin e kampionëve të Kosovës. Drita do vazhdojë të qëndrojë në kompeticionet europiane, pikërisht në Conference League.
Skuadra e Zalgiris kaloi e para në avantazh me golin e shënua nga Slivka 9’, ndërsa kampionët e Kosovës përmbysën gjithçka me Jasharin 21’ dhe Manajn 53’. Në minutën e 82-të, Slivka vendosi barazpeshën 2-2, ndërsa Benchaib 94’ firmosi fitoren dhe kualifikimin e Zalgiris.