Dronët e panjohur “rrethojnë” platformat e gazit natyror dhe naftës të Danimarkës dhe Norvegjisë
Danimarka ka rritur nivelin e vigjilencës në lidhje me sigurinë e sektorit të energjisë, teksa kanë raportuar për aktivitete të dronëve të panjohur pranë fushës së gazit Roar në Detin e Veriut. Danimarka ka ngritur tashmë nivelin e alarmit të sigurisë së energjisë pas sabotimit të gazsjellësit Nord Stream, ndërsa Norvegjia po instalon sensorë gjurmimi të dronëve në platformat e naftës dhe gazit në brigjet e saj.
Kompania franceze tha gjithashtu javën e kaluar se kishte vëzhguar “aktivitet të paautorizuar të dronëve pranë një tjetër prej objekteve të saj të naftës në det.
Kompanitë e naftës kanë parë një rritje të mprehtë të aktivitetit të paidentifikuar të dronëve në javët e fundit dhe Autoriteti i Sigurisë së Naftës së Norvegjisë (PSA) paralajmëroi më 26 nëntor për rreziqet e aksidenteve apo edhe sulmet e qëllimshme.
Benedikte Bjornland , kreu i Drejtorisë së Policisë Norvegjeze, tha se sensorët janë zhvilluar për të identifikuar çdo dron të paligjshëm dhe gjithashtu si një parandalues për këdo që kërkon t’i përdorë ato.
Norvegjia, furnizuesi më i madh i gazit në Evropë dhe një prodhues i madh global i naftës, javën e kaluar vendosi marinën e saj, forcat ajrore dhe ushtarët e saj për të patrulluar fushat e naftës në det të hapur dhe terminalet në tokë për shkak të rrjedhjeve të Nord Stream.
Oslo njoftoi të premten se do të merrte gjithashtu ndihmë nga Britania, Gjermania dhe Franca për patrullimet në det të hapur.
Tubacionet e Rusisë Nord Stream 1 dhe 2 u çanë më 26 shtator, duke shkaktuar rrjedhje gazi në Detin Baltik në brigjet e Danimarkës dhe Suedisë./ CNN.gr
/rtsh.al/