Durrës, polici po ecte në vija të bardha, goditet nga një makinë përpara Drejtorisë Vendore

Një shtetas që dyshohet se drejtonte makinën në gjendje të dehur, ka shkaktuar një aksident mbrëmjen e së enjtes në Durrës. I aksidentuari ka qenë një punonjës policie, i cili në momentin që ndodhi ngjarja ka qenë duke ecur në vijat e bardha të rrugës, përpara Drejtorisë Vendore të Policisë.

Drejtuesi i mjetit mësohet se ka qenë shtetasi Antonio Frroku, ndërsa polici i aksidentuar, Mariglen Allka. 

“Rreth orës 18:35, në lagjen nr. 8, përpara ambienteve të Drejtorisë Vendore të Policisë Durrës, automjeti me drejtues shtetasin A. F., ka përplasur shtetasin M. A. punonjës policie në Komisariatin e Policisë Durrës, i cili ishte duke kaluar në vijat e bardha për këmbësorët. Punonjësi i Policisë, shtetasi M. A. ndodhet në spital, në kujdesin e mjekëve, ndërkaq, drejtuesi i automjetit, shtetasi A. F. është shoqëruar në Komisariatin e Policisë Durrës, për veprime të mëtejshme”., thuhet në njoftimin e policisë.

/rtsh.al/