Dybala, propozim martese dhe super unazë Orianës

Dhe në fund Paulo Dybala është dorëzuar. Sipas thashethemeve argjentinase, Paulo nuk ishte i bindur për martesën, në realitet ai thjesht priste momentin e duhur. Dhe e gjeti, pasi i kërkoi partneres Oriana Sabatini të martohej me të. Unaza (e bukur) e diamantit është e pashmangshme. Ajo tha po dhe së bashku kanë publikuar foton e propozimit me shkrimin: “Përgjithmonë”.

Dybala më pas zbuloi se ku i bëri propozimin për martesë Orianës: Shatërvanin Trevi. Nuk mund të kishte një mjedis më romantik. Miq të veçantë ishin të pranishëm për të ndihmuar: Morata dhe gruaja e tij Alice dhe Leandro Paredes dhe gruaja e tij Camila. Vetë Paredes filmoi momentin kur Dybala u gjunjëzua për të bërë propozimin.