Dyshime për fiksim rezultati

FA do të hetojë mundësinë për modele të dyshimta bastesh gjatë ndeshjes së vlefshme për FA Cup ndërmjet Oxford United dhe Arsenalit. Pretendimet e raportuara fillimisht nga Mail Online përqendrohen rreth sjelljes së një lojtari në këtë ndeshje sidomos në pjesën e dytë. Skuadra e trajnerit Mikel Arteta luajti mjaft dobët në 45 minutat  para, teksa dështoi të regjistronte një goditje të vetme në portë.

Duhet të kalonin 10 minuta nga pjesa e dytë kur Mohamed Elneny të shënonte golin e parë për skuadrën e tij dhe të parin sezonal për të. Ishte Eddie Nketiah që goditi dy herë më pas portën kundërshtare duke shënuar në të dy rastet, për të ndihmuar Arsenalin në një fitore të rehatshme.

Këtu ka ndodhur diçka që ka bërë të dyshojë Federata Angleze duke u bazuar në sjelljen e dyshimtë të një lojtari të Oxfordit. FA tashmë ka marrë në dorëzim pamjet filmike të ndeshjes dhe ka nisur hetimin për një fiksim të mundshëm rezultati.