E ëma akuzon Eda Zarin për vjedhje

Këngëtarja Eda Zari, është akuzuar nga e ëma, Zhane Zari për falsifikim dokumentesh në marrjen e pronave të familjes, ku pjesëtarë janë edhe fëmijët e tjerë.

Bëhet fjalë për një apartament në Durrës dhe një dyqan 64 metra katrorë në  lagjen “21 Dhjetori” në Tiranë.
"Të gjitha faturat u paguan nga im shoq,  Ismaili, kur ishte gjallë, ndërsa këstin e fundit të shtëpisë e pagoi Eda. Para  1 muaji, kur hapa dokumentet e shtëpisë, pashë që ajo me shkrim dore kishte  shtuar emrin e saj Eda, para Ismail Zari, që është babai i saj, i cili kishte  blerë shtëpinë," ka thene zonja Zhane per "Panorama".

Më shumë sesa një rrëfim denigrues, ky është një negocim publik që një nënë e  panjohur, kërkon të bëjë me vajzën e saj me famë si këngëtare xhazi, artisten 41-vjeçare Eda Zari, e cila jeton prej vitesh në Gjermani me  bashkëshortin gjerman dhe dy djemtë e saj.

Kemi parë deri tani anën plot  shkëlqim të medaljes, por Zhane Zari, e cila ka kontaktuar vetë me gazetën,  tregon për konfliktin shumë personal me të bijën. Nuk do të dëshironte të bënte  një deklaratë të tillë, që shumë nëna do e quanin gabim, aq më tepër nëse ky  veprim do i prishte imazhin e shkëlqyer të vajzës artiste. Por duke u përpjekur  të gjejë një avokat në Tiranë, historia nuk mbeti vetëm brenda familjes dhe  tashmë ajo e sheh të arsyeshme ta bëjë vetë publike. Ajo pretendon se bija e saj i ka përvetësuar dy pronat e familjes duke falsifikuar dokumentet dhe  ndërprerja pas kësaj e komunikimit me të bijën e famshme.

Në anën tjetër, Eda Zari nuk ka komentuar akoma lidhur me këtë çështje. /Indeksonline/