EMRI/ I dënuar në mungesë për prodhim dhe shitje droge, ekstradohet nga Zagrebi 51-vjeçari shqiptar
Një 51-vjeçar i shpallur në kërkim ndërkombëtar është ekstraduar nga Kroacia drejt vendit tonë.
Bëhet fjalë për shtetasin Agustin Lleshi, i cili është edhe me masë sigurie “arrest me burg”.
Në vitin 2023, dyshohet se ky shtetas ka qenë i implikuar në një rast të transportimit të një sasie lënde narkotike Cannabis Sativa, me qëllim shitjen, rast i goditur nga Policia, te mbikalimi i Rrëshenit.
“Si rezultat i bashkëpunimit të ngushtë ndërmjet Interpol Tiranës dhe homologëve në Kroaci, u finalizua procedura e ekstradimit në Shqipëri, të shtetasit të shpallur në kërkim ndërkombëtar, A. Ll., 51 vjeç, i lindur në Lezhë.
Gjykata e Lezhës, në vitin 2023, i ka caktuar këtij shtetasi, masën e sigurisë “Arrest në burg”, për veprën penale “Prodhimi dhe shitja e narkotikëve”.
Në vitin 2023, dyshohet se ky shtetas ka qenë i implikuar në një rast të transportimit të një sasie lënde narkotike Cannabis Sativa, me qëllim shitjen, rast i goditur nga Policia, te mbikalimi i Rrëshenit”, thuhet në njoftim.
/vizionplus.tv