Edhe tastierë edhe enë

Nëse jeni të varur në pajisjet tuaja kompjuterike apo së paku dëshironi të kaloni kohë para tyre, atëherë me siguri që shpesh ju ndodhë që të hani para tastierës.

Në cilëndo mënyrë të përpiqeni që ta ruani, zakonisht ndonjë pjesë e ushqimit përfundon ndërmjet tasteve, dhe nëse nuk kemi fat, mund të ndodhë që mbi tastierë të derdhet ndonjë lëng dhe kjo mund të sjell deri te dëmtimi i saj. Nëse megjithatë duhet ta hani para tastierës apo kjo u është bërë shprehi, ekziston një shpikje e cila mund t’u lehtësojë vështirësitë.

Bëhet fjalë për tastierën e cila ka enën si pjesë përbërëse të hapësirës punese, ndërsa në të mund të hanë të gjithë pasi që ajo lirisht mund të lahet në makinën e larjes së enëve. Fatkeqësisht, tastiera nuk është në dispozicion për blerje por ky është një projekt i artistit holandez Helle Jongerius, dhe nëse ka interesim për një pajisje të këtillë me siguri që ajo do të gjendet shumë shpejt në treg.