Efenberg: Nagelsman, trajner qesharak

Bajerni fiton kampionatin duke shënuar shumë gola, por nuk arrin ta mbajë portën e vet të paprekur. Ka ndodhur dhe në ndeshjen e fundit të kampionatit ndaj Frajburgut në minutat e fundit duke shkaktuar disa të dridhura për portierin Nojer. Ish-mesfushori i kësaj skuadre, Stefan Efenberg, mendon se Nagelsman është një trajner i madh, por ka dhe disa të meta. “Tek Bajerni puna e tij vlerësohet në bazë të rezultateve dhe trofeve të fituara. Llogarit të fitojë vetëm Ligën e Kampioneve, sepse kjo është më e rëndësishme”, ka thënë Efenberg për Sport 1.

“Nagelsman duhet të bindet se ka lojtarë të nivelit botëror, që janë absolut”, nënvizon 53-vjeçari Efenberg. “Trajneri nuk ka nevojë t’i thojë Levandovskit se çfarë duhet të bëjë në zonën e penalltisë. Kjo e bën ndonjëherë Nagelsmanin qesharak. Me lojtarët e Hofenhajmit, të Lajpsigurt dhe të Eintrahtit të Frankfurtit duhet të flasë në mënyrë ndryshe, duhet gjithnjë t’i japi diçka atyre, por tek Bajerni jo, ka kampionë në skuadër”, ka përfunduar Efenberg.