Egjipt, vriten gjashtë vetë në mes të Kajros
Një shofer autobuzi në Egjipt ka qëlluar për vdekje me armë zjarri gjashtë punëtorë që po udhëtonin në automjetin e tij.
Lajmin e bëjnë të ditur agjencitë ndërkombëtare, sipas të cilave pasagjerë të tjerë kanë mbetur të plagosur kur shoferi, i cili punon për një firmë ndërtimi, hapi zjarr me një automatik.
Autori i krimit u arrestua më vonë nga forcat e policisë. Motivet e masakrës, e ndodhur në perëndim të Kajros, për momentin janë të paqarta.