Ekspozita e veprave të padukshme

Galeria londineze Harward ka organizuar një ekspozitë të pazakontë të eksponateve të padukshme, autorë të të cilave janë artistë të njohur, si Andy Warhol, Yves Klein dhe Yoko Ono.

Ekspozita e veprave të padukshme është ngjarje parë e tillë e organizuar në ndonjë galeri në Britaninë e Madhe. Të udhëhequr nga mendimi se arti, para së gjithash, bazohet në imagjinatë, pronarët e galerisë organizuan ekspozitën e quajtur “Invisible: Art About the Unseen 1957-2012” (E padukshmja: Arti për të Padukshmen 1957-2012).

Drejtori i galerisë, Ralph Rugoff, deklaroi se shpreson që vizitorët të gjejnë sende interesante në të.

Ndryshe, në ekspozitë, veç tjerash, mund të gjenden edhe veprat e artistit francez, Yves Klein, i cili përmes konceptit të arkitekturës së ajrit konsiderohet pionier i veprave të padukshme. Është ekspozuar edhe “Skulptura e Padukshme”, e Andy Warhol (1985), e cila përbëhet nga një bazament i zbrazët, para të cilit ishte ndalur njëherë ‘mbreti’ i pop-artit.

Në mesin e eksponateve të tjera janë edhe një letë e zbrazët e artistit, Tom Firedman, e quajtur “1000 Hours of Staring” (Kureshtja 1000-orëshe), si dhe udhëzimet e Yoko Ono’s, të cilat u sqarojnë vizitorëve sesi të të mendohet koncepti i një vepre arti brenda kokës.