Ekstradohet nga Spanja i kërkuari për vrasje

Është ekstraduar sot nga Madridi, Spanjë, drejtë vendit tonë shtetasi shqiptarë i shpallur në kërkim ndërkombëtar Perikli Kule, 42 vjeç lindur në Fier. Kule është dënuar në vitin 1999 nga Gjykata e Fierit me burgim të përjetshëm për Vrasje me paramendim dhe Armëmbajtje pa leje

I ekstraduari në vitin 1998, është shpallur fajtor pasi në bashkëpunim me dy persona të tjerë, ka vrarë në Libofshë të Fierit, shtetasin Vlash Dece dhe më pas e ka fshehur kufomën në kodrat e Ardenicës.

Si rezultat i bashkëpunimit të Interpol Tirana me Interpol Madrid, u bë i mundur arrestimi i këtij shtetasi në Spanjë, me qëllim ekstradimi drejt vendit tonë. Në aeroportin Nënë Tereza në Rinas shtetasi i mësipërm i është dorëzuar përfaqësuesve të Drejtorisë së Përgjithshme të Burgjeve.