Elbasan/Policia procedon penalisht disa shtetas për ngjarje të ndryshme

Specialistët e Qarkullimit Rrugor dhe të Hetimit të Krimeve në Drejtorinë Vendore të Policisë Elbasan kanë evidentuar dhe proceduar disa raste me karakter penal gjatë 24 orëve të fundit.

• Aksident me pasojë dëmtim – U arrestua në flagrancë shtetasi A. L., 34 vjeç, pasi më datë 08.08.2025, në rrugën “Qemal Stafa”, automjeti që drejtonte përplasi biçiklistin K. Sh., 78 vjeç. Si pasojë, ky i fundit u dëmtua dhe ndodhet nën kujdesin e mjekëve.

• Aksident rrugor – U referuan materialet në Prokurori dhe nisi procedimi penal ndaj shtetasit B. B., 43 vjeç, i cili, në autostradën “Tiranë–Elbasan”, në fshatin Shijon, u përplas me një automjet që drejtohej nga O. P., 35 vjeç. Shtetasi B. B. pësoi dëmtime dhe është jashtë rrezikut për jetën.

• Prishje e qetësisë publike – U procedua penalisht shtetasi E. M., 36 vjeç, pasi në një zonë të banuar në Cërrik, ka xhiruar gomat e automjetit, duke prishur rendin dhe qetësinë publike.

• Lëndë narkotike – Gjatë kontrollit fizik, shtetasit G. T., 49 vjeç iu gjet një sasi e vogël lënde e dyshuar narkotike e llojit cannabis sativa. Ndaj tij u referuan materialet në Prokurori dhe nisi procedimi penal.

• Konflikte dhe dhunë – Në Elbasan:

  • Shtetasja A. A., 25 vjeçe, u procedua pasi është konfliktuar fizikisht me një tjetër 25-vjeçare;

  • Shtetasi A. K., 48 vjeç, u procedua për dhunë psikologjike ndaj motrës së tij, si edhe për dëmtimin e xhamit të automjetit të saj.

Të gjitha materialet procedurale janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme procedurale.