Emigrantet ne skemen e rimbursimeve, zgjerohet skema Luljeta Ndoka

Futja e emigranteve ne skemen e sigurimeve shendetesore ka ndikuar ne zgjerimin e skemes se rimbursimeve. Jo vetem kaq, por edhe rritja e semundjeve kronike ka "detyruar" pacientet qe te mos e anashkalojne perfshirjen ne skeme, ne menyre qe te perfitojne nga politikat shendetesore, njera prej te cilave eshte rimbursimi i ilaceve ne masa te ndryshme per semundje te ndryshme, si dhe per kategori te caktuara te popullates. Drejtoresha e Institutit te Sigurimeve te Kujdesit Shendetesor, Elvana Hana, deklaroi dje se perfitimet nga skema e rimbursimit po rriten me ritme te shpejta, duke arritur ne dyfishim te mases se saj, gjate viteve te fundit. "Nga te dhenat tona vihet re rritje e ndjeshmerise ndaj skemes se sigurimeve shendetesore, rritje te perfituesve, madje ne shume raste kemi dyfishim te pacienteve te trajtuar me barna me rimbursim", - tha Hana. Sipas saj, arsye te tjera per shtimin e perfitimeve lidhen me ndryshimet e semundshmerise kronike (rritjes se saj ne skeme me perfitues te rinj) dhe ndryshimet e terapive me barna alternative me te shtrenjta, pasi pacientet trajtohen me vite tashme. Po sipas drejtoreshes se ISKSH-se, nje fenomen gjithnje ne rritje, eshte ai i shtimit ne skeme te emigranteve te kthyer tashme ne vend. "Ata kerkojne menjehere qe te perfshihen ne skeme, pasi kane nje ndjeshmeri me te larte fale eksperiencave ne vendet perendimore ku kane jetuar", - tha Hana. Duke u bazuar ne statistika, ajo beri me dije se perfitimet nga rimbursimi i barnave jane rritur nga 3.5 miliarde leke ne vitin 2007, ne 6.9 miliarde leke per 2011. "Pra, kemi 3.4 miliarde leke me shume ose dyfishim te rimbursimit. Per kete vit, parashikohen te arrijne ne rreth 8 miliarde leke te rinj, shpenzimet per rimbursimin", - njoftoi drejtoresha e ISKSH-se. Sipas saj, cdo vit, duke filluar nga viti 2007, shpenzimet e rimbursimit rriten me 18.5 per qind ne vit, ritem ky mjaft i larte i perfitimeve ne rritje te popullates. Sipas Hanes, lista e barnave ne 5 vitet e fundit eshte zgjeruar me 114 barna te reja, si dhe forme-doza te barnave te listes. Aktualisht, Lista e Barnave te Rimbursueshme ka 413 barna ose 233 principe aktive, duke mbuluar rreth 95 per qind te semundshmerise kronike te sherbimit paresor. Grupet terapeutike qe kane pasur rritjen me te madhe, jane ato qe mjekojne traktin tretes dhe metabolizmin, kryesisht ato qe mjekojne diabetin. Po ashtu, rritje te mases se perfitimit ka pasur edhe ne barnat qe mjekojne anemine, sistemi kardiovaskular qe trajton te gjitha semundjet kardiake dhe hipertensionin, apo edhe grupi i barnave qe mjekon leucemine mieloide kronike. Gjithashtu, po mbulohen ne nje mase me te madhe semundjet e sistemit respirator qe trajton te gjitha semundjet kronike te frymemarrjes dhe insuficiences respiratore kronike, apo edhe barnat qe mjekojne talasemine.

Rritja e perfitimeve per pacientet, sipas barnave me rimbursimin me te larte:

Deferasirox qe mjekon talasemine (Kostoja mujore e trajtimit te nje pacienti deri ne 265 mije leke)

Imatinib per Leucemine Kronike (Kostoja mujore per nje pacient, deri ne 382 mije leke)

Insuline e formes pen per diabetin (Kostoja mujore 4708-6425 leke)

Erythopoetin qe mjekon anemine prej insuficiences renale (Kostoja mujore per pacient deri ne 74 mije leke)

Ketosteril per te semuret me dialize (Kostoja mujore per pacient 15 mije leke)

Olmesartan per semundjet e zemres (Kosto mujore 3135 leke)

Olanzepine per semundje nervore, psikoza (Kostoja mujore e ketij bari, deri ne 8340 leke).