Epidemia, Ministria e Mbrojtjes nuk jep leje per kontrolle ne depo
POLICAN - Ende nuk ka marre rruge klorinimi i ujit, qe ka sjelle nje epidemi ne qytetin e vogel te Policanit. Burimet spitalore kane bere te ditur se dhjetera banore jane duke u kuruar ne banesat e tyre, nderkohe qe ne spital jane paraqitur dhe kater raste te reja te infektimit me virusin. Nderkohe, ende nuk eshte marre asnje mase per eliminimin e ndotjes se ujit. Ministria e Mbrojtjes nuk ka dhene leje per nderhyrjen ne tubacionet e ujit ne zonen ushtarake, gje e cila eshte bere pengese. Ishte Instituti i Shendetit Publik, qe deklaroi se nje pjese e depove, qe ndodhen ne territorin ushtarak, dyshohet se eshte e infektuar. Epidemia e dizenterise qe preku qytetin e Policanit, ka regjistruar gjate dites se djeshme dhe kater raste te reja, raste te cilat jane duke u mjekuar prane qendres spitalore te ketij qyteti. Burime prane kesaj qendre bejne me dije se gjate dites se djeshme jane paraqitur per ndihme mjekesore dy femije dhe dy te rinj, qe dyshohet te jene prekur nga dizenteria. Keto raste te reja mesohet te kene ardhur si pasoje e kalimit te epidemise nga nje person te tjetri nepermjet kontaktit fizik. Pacientet mesohet se ndodhen ne gjendje te mire mjekesore dhe jane duke u trajtuar me medikamentet perkatese dhe serume. Por, ndersa rastet qe jane paraqitur ne kete qender deri pasditen e djeshme jane vetem kater, ne farmacite e qytetit mesohet se jane shtuar rastet e qytetareve qe kane blere ilacet qe kurojne kete epidemi. Sapo jane informuar mbi simptomat e kesaj epidemie, qytetaret qe kane shfaqur shenjat e para te saj mesohet se i jane drejtuar farmacise me te afert per t’u kuruar privatisht ne banesat e tyre. Kane qene dhjetera qytetare, te cilet kane zgjedhur kete rruge per t’u kuruar, duke iu shmangur mjekimit ne qendrat shendetesore. Te informuar mbi rrezikun e epidemise dhe menyrat e saj te kurimit, qytetare te ndryshem mesohet se jane duke u mjekuar ne banesat e tyre. Por problemi i ujit te pijshem ne kete qytet ende nuk po gjen nje zgjidhje. Burime nga bashkia e ketij qyteti bejne te ditur se Ministria e Mbrojtjes ende nuk ka dhene miratimin per t’i krijuar mundesi Ndermarrjes se Ujesjellesit per te nderhyre ne ate pjese te rrjetit, ku mendohet se shkaktohet ndotja. Aktualisht qytetaret konsumojne vetem uje te ambalazhuar, gje e cila nuk mund te vazhdoje te perballet gjate per banoret qe jetojne vetem me te ardhurat e nje perkrahje sociale, qe kane mundur te perfitojne nga puna ne ish-Uzinen e Armeve. E. Hazizolli