Erseke shperthen eksplozivi vdes 57 vjecarja

Një 57 vjeçare nga fshati Mollas i Ersekës ka gjetur vdekjen si pasojë e shpërthimit të një sasie eksplozivi. Policia bëri të ditur që Liljana Xage ka qenë duke punuar në tokën e saj kur një sasi eksplozivi e vendosur në tubat e ujësjelleëit që kalonin nëpër tokën e saj ka shpërthyer duke i shkaktuar vdekjen e menjëhershme. Policia e Korçës ka bërë të ditur se nga hetimet paraprake rezulton se në tokën e viktimës kanë qenë duke punuar kryeplaku i fshatit dhe dy persona të tjerë për të shkëputur tubat e vjetër dhe për ti përdorur ato për ujësjellësin e ri. Për këtë arsye tre personat kanë vendosur një sasi eksplozivi e cila ka shpërthyer aksidentalisht duke i marrë jetën 57 vjeçare. Policia ka bërë arrestimin e kryeplakut Jorgo Lazi 44 vjeç,  dhe punëtorët Bledar Zoja 26 vjeç dhe Adrian Emini 50 vjeç. Ata akuzohen për vrasje nga pakujdesia dhe shkatërrim të pronës me eksploziv.