Eshton dënon sulmin në Lahore

Shefja për politikë të jashtme e BE-së, Kethrin Eshton, ka dënuar sulmin në qytetin Lahore të Pakistanit, ku humbën jetën 42 veta dhe u plagosën së paku 180 të tjerë.

Eshton tha se "sulmi tregon shkallën e kërcënimit terrorist" në Pakistan.

Dy atentatorë vetëvrasës sulmuan dje një vend kulti sufi në qytetin pakistanez të Lahores. Qindra besimtarë gjendeshin në objektin e kultit në momentin e sulmit.

Askush nuk e ka marrë përgjegjësinë për sulmin. Më herët ata kanë sulmuar vendet e kultit të sekteve jo sunite.