Europa denon unanimisht Izraelin
Vendet perëndimore kanë kritikuar vendimin e Izraelit për të përshpejtur ngritjen e banesave të reja për kolonët në Bregun Perëndimor dhe në lindje të Jeruzalemit.
Ministri i Jashtëm i Britanisë së Madhe, William Hague, e cilësoi lëvizjen e shtetit hebre si “provokative dhe të panevojshme”. Franca dhe Gjermania gjithashtu theksuan se plani dëmton përpjekjet për paqe.
Izraeli lajmëroi për përshpejtimin e punimeve një ditë pasi Palestina fitoi antarësimin e plotë në organizatën kulturore të OKB-së, “Unesco”. Në shenjë proteste, SHBA dhe Izraeli vendosën ndërprerjen e financimit të organizatës.
”Ndërtimi i banesave për kolonët hebre është i paligjshëm nën këndvështrimin e ligjit ndërkombëtar dhe përbën serinë e fundit provokative të Izraelit, një lëvizje që nuk i ndihmon aspak bisedimet për paqen”, shkruante Hague, në një deklaratë ku përdoreshin tone veçanërisht të ashpra.
Ditën e martë, Kryeministri Izraelit, Benjamin Nenanyahu, kërkoi përfundimin sa më të shpejtë të 2 mijë apartamenteve të reja në territorin palestinez, në atë që u konsideruar gjerësisht si një lëvizje “hakmarrëse” pas vendimit të marrë në “Unesco”.
Nga ana e tij, Presidenti i autoritetit palestinez, Mahmoud Abbas, tha se “me këtë vendim të Tel Avivit, e vetmja gjë që përshpejtohet është shkatërrimi i bisedimeve të paqes”.
Më shumë se 500 mijë hebrenj jetojnë në banesa të ndërtuara në territorin e pushtuar. Këto vendbanime konsiderohen si të paligjshme nga ligji ndërkombëtar, edhe pse Izraeli nuk e njeh këtë nen.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Lajmet kryesore
Beteja për modelin e ri ekonomik
Berisha: Rama ka teori marksiste; reagon kreu socialist
Albpetrol do të shitet 100 %
Shfrytëzimi i lumenjve, nga 1 nëntori ndalohen
Dilema torturuese e Greqisë
Vlorë, sekuestrohen 60 kg hashash