Evropa pa gaz, pavaresisht nenshkrimit te marreveshjes

Moska lajmeron se furnizimet me gaz nuk do te rifillojne nese Kievi nuk nenshkruan nje marreveshje per te lejuar ne ekipin mbikeqyres edhe specialiste ruse. Grupi i pare i vezhguesve evropiane mberriti ne Kiev per te ndihmuar ne sheshimin e mosmarreveshjeve ndermjet Ukraines dhe Rusise lidhur me furnizimin me gaz qe ka prekur rreth 20 vende. Ne grupin e vezhguesve perfshihet edhe Filip Kornelis, ndihmes i Drejtorit te Pergjithshem per Transportin dhe Energjine prane Komisionit Evropian. Ai tha se ekipi synon te mbikeqyre rifillimin sa me te shpejt qe te jete e mundur te furnizimit me gaz te Evropes nga gjiganti rus i energjise "Gazprom" permes sistemit ukrainas te tubacioneve. "Synimi i misionit tone mbikeqyres eshte te verifikojme vellimin e gazit qe kalon permes sistemit ukrainas te tubacioneve dhe ta krahasojme ate me sasine e gazit qe u shkon konsumatoreve evropiane me te cilet ka kontrate Gazpromi", sqaroi Kornelis. Pavaresisht nga marreveshja me Rusine, vezhguesit evropiane njoftuan se nuk kishin pare transport gazi rus. Kryeministri rus Vladimir Putin i tha kryeministrit cek Mirek Topolanek qe ndodhet per vizite ne Rusi, se Ukraina duhet se pari te firmose nje marreveshje qe do t'i lejonte ruset te jene pjese e ekipit mbikeqyres. Topolanek la te kuptohej se Bashkimi Evropian ka nje marreveshje gojore me Ukrainen, e cila u lejon ruseve te mbikeqyrin transportin e gazit.