F1, Alonso i qetëson të gjithë pas aksidentit: Jam mire

Fernando Alonso, i cili u operua për një frakturë, pas aksidentit me biçikletë, donte të siguronte të gjithë tifozët e Formula 1 duke caktuar një takim për garën e parë të Kampionatit Botëror 2021: “Faleminderit për të gjitha urimet, jam mirë dhe mezi pres të përballem me 2021 “, shkroi spanjolli në përgjigjen e dhënë në tëeet të Alpine Renault.

Tani Alonso do të vëzhgojë një periudhë pushimi absolut për t’u paraqitur më pas në testet e zakonshme para-sezonale në të cilat do të vlerësojë gjendjen e tij, pavarësisht se në dritën e fjalëve të dy herë kampionit të botës, duket e vështirë të mendohet një fillim sezonin pa të.

Ndërkohë, organet kompetente zvicerane kanë sqaruar dinamikën e aksidentit ku përfshihet Alonso. Spanjolli, ndërsa po stërvitej me biçikletë në rrugët e Luganos, u përplas nga një makinë ndërsa po kthehej në një parking të një supermarketi.

Sipas hetimeve fillestare, ai u godit nga një makinë që po kthehej në një parking në momentin që Alonso po kalonte një kolonë me makina të palëvizshme në të djathtë. Impakti, në atë pikë, ishte i pashmangshëm, me policinë që po punon për të konstatuar përgjegjësinë për incidentin.