FOKUS – BE dërgon pagesën e parë nga fondi 400 milionë euro për Autoritetin Palestinez

BRUKSEL, 31 korrik /ATSH-DPA/ – Bashkimi Evropian i dërgoi Autoritetit Kombëtar Palestinez (PNA) pagesën e parë me vlerë 150 milionë euro nga një fond urgjence prej 400 milionë eurosh.

”Fondi mbështet një program të rëndësishëm reformash dhe hap rrugën për rimëkëmbjen dhe rindërtimin e Gazës”, theksoi në një deklaratë presidentja e Komisionit Evropian Ursula von der Leyen.

I përbërë nga kredi dhe grante, Komisioni njoftoi ndihmë financiare për ANP në fillim të korrikut me dy pagesa të tjera të planifikuara në gusht dhe shtator.

Këto pagesa i nënshtrohen progresit të AP në zbatimin e reformave, theksoi Komisioni. Fondi është krijuar për të stabilizuar AP në vështirësi financiare dhe ekonominë e Bregut Perëndimor.

”Një zgjidhje me dy shtete është mënyra e vetme për të sjellë paqe të qëndrueshme si për izraelitët ashtu edhe për palestinezët”, theksoi von der Leyen./   /os/