FOKUS – CNN: Tre të katërtat e votuesve pikëpamje negative për mënyrën se si po shkojnë gjërat në SHBA

UASHINGTON, 5 nëntor /ATSH/ – Afërsisht tre të katërtat e elektoratit amerikan kanë një pikëpamje negative për mënyrën se si po shkojnë gjërat sot në SHBA, sipas rezultateve fillestare të një sondazhi kombëtar të CNN të votuesve në zgjedhjet presidenciale të këtij viti.

Vetëm rreth një e katërta janë entuziastë ose të kënaqur me gjendjen e kombit, me më shumë se 4 në 10 të pakënaqur dhe afërsisht 3 në 10 thonë se janë të zemëruar.

Por, votuesit mbeten përgjithësisht optimistë, me më shumë se 6 në 10 që thonë se ditët më të mira të Amerikës janë përpara dhe vetëm rreth një e treta se ato janë tashmë në të kaluarën.

Vlerësimi i pëlqimit të presidentit Joe Biden është negativ në nivel kombëtar, me rreth 4 në 10 votues që thonë se e miratojnë performancën e tij në punë dhe një shumicë nuk e miraton.

Sondazhet e CNN për zgjedhjet e përgjithshme të 2024 përfshinë intervista me mijëra votues, si ata që hodhën votën në ditën e zgjedhjeve, ashtu edhe ata që votuan para kohe ose munguan.

Kjo shtrirje i bën ata një mjet të fuqishëm për të kuptuar profilin demografik dhe pikëpamjet politike të votuesve në zgjedhjet e këtij viti.

Dhe gjetjet e tyre përfundimisht do të peshohen kundrejt standardit përfundimtar: vetë rezultatet e zgjedhjeve.

Sondazhet e CNN janë një kombinim i intervistave personale me votuesit e ditës së zgjedhjeve dhe intervistave personale, sondazheve telefonike dhe online që matin pikëpamjet e votuesve të hershëm dhe atyre me postë./  a.jor.