FOKUS – Gjeorgjia planifikon legjislacion kundër LGBT+

TBILISI, 4 qershor /ATSH-DPA/ – Pas miratimit të një ligji të stilit rus kundër ndikimit të huaj, udhëheqja gjeorgjiane gjithashtu dëshiron të kufizojë të drejtat e lezbikeve, homoseksualëve, biseksualëve dhe trans (LGBT) në një mënyrë të ngjashme me Rusinë.

Partia në pushtet “Ëndrra gjeorgjiane” ka paraqitur një paketë ligjesh në parlament nën titullin “Vlerat familjare dhe mbrojtja e të miturve”, njoftoi sot në Tbilisi kryetari i parlamentit, Shalva Papuashvili.

Ligji civil, ligji i punës dhe ligjet e arsimit në vendin në Kaukazin e Jugut duhet të ndryshohen.

Sipas njoftimeve të medias, Papuashvili shpjegoi se kushtetuta parashikon vetëm martesën midis një burri dhe një gruaje.

Prandaj, martesat mes së njëjtës gjini duhet të përjashtohen me ligj.

Edhe propaganda pro LGBT+ do të ndalohet edhe në Gjeorgji.

Papuashvili tha se nuk duhet të ketë tubime për marrëdhëniet homoseksuale apo çështje transgjinore.

Ky lloj informacioni do të ndalohej në shkolla. Përshkrime të tilla gjithashtu nuk duhet të lejohen në media dhe reklama.

Gjeorgjia ka një traditë të gjatë ortodokse të krishterë dhe shoqëria është mjaft konservatore/ /os/