FRANCË – Le Pen: Blloku makronist është praktikisht i fshirë
PARIS, 30 qershor /ATSH-AFP/ – Blloku makronist është fshirë praktikisht, deklaroi sonte Marine Le Pen, partia e së cilës doli shumë përpara raundit të parë të zgjedhjeve të parakohshme legjislative në Francë të dielën, shumë përpara kampit të Emmanuel Macron.
”Francezët kanë treguar dëshirën e tyre për të kthyer faqen e shtatë viteve të pushtetit përçmues dhe gërryes të kreut të shtetit Emmanuel Macron”, tha Le Pen, e zgjedhur në raundin e parë në zonën e saj veriore.
Ajo gjithashtu u bëri thirrje francezëve që t’i japin RN “një shumicë absolute” për partinë e saj.
”Rassemblement national” i ekstremit të djathtë të Francës është në epërsi në raundin e parë të zgjedhjeve të parakohshme parlamentare, sipas parashikimeve të para.
”Së bashku me aleatët e saj, partia fitoi 34% deri në 34,2% të votave”, raportuan transmetuesit TF1 dhe France 2 menjëherë pas mbylljes së qendrave të votimit.
Aleanca e presidentit Emmanuel Macron doli e treta me 20,3% ndaj 21,5% të aleancës së krahut të majtë ”Fronti i Ri Popullor”.
Sa vende do të marrin blloqet në Asamblenë Kombëtare do të vendoset vetëm në balotazhin e zgjedhjeve të 7 korrikut./ a.jor.