FRANCË – Shpërthim në konsullatën ruse në Marsejë

PARIS, 24 shkurt /ATSH-DPA/-  Një shpërthim ka ndodhur sot në konsullatën ruse në qytetin francez të Marsejës, tha sot policia.

Sipas raportit, tre mjete shpërthyese janë hedhur në murin e konsullatës ruse në qytetin francez të Marsejës.

Askush nuk është plagosur gjatë incidentit, i cili ndodhi në përvjetorin e tretë të fillimit të pushtimit të plotë të Ukrainës nga Rusia.

Pas sulmit, autori u largua dhe policia nuk ishte në gjendje të jepte detaje të mëtejshme për mjetet shpërthyese. Ende nuk dihet per motivin e mundshem.

Ministria e Jashtme ruse në Moskë u bëri thirrje autoriteteve franceze të hetojnë plotësisht shpërthimin.

“Ka pasur indikacione për një sulm terrorist”, tha sot zëdhënësja Maria Zakharova.

“Franca, gjithashtu duhet të ndërmarrë hapa për të përmirësuar sigurinë e misioneve diplomatike ruse jashtë vendit”, shtoi ajo. //a.i/