FRANKFURT – BQE ul normat e interesit për herë të katërt këtë vit

FRANKFURT, 12 dhjetor /ATSH-DPA/- Banka Qendrore Evropiane ka njoftuar uljen e katërt të normës së interesit këtë vit, duke ulur normën bazë të depozitave me një çerek pikë në 3%.

Vendimi vjen pasi inflacioni është më pak shqetësues midis 20 vendeve që ndajnë monedhën e euros, me koston e jetesës që u rrit me 2,3% në terma vjetore, në nëntor.

Por, të dhënat e tjera janë më shqetësuese. Rritja e Eurozonës qëndroi në 0,4% në tremujorin e tretë – më mirë se sa pritej, por ende larg nivelit ideal.

Një shqetësim i veçantë është Gjermania, ekonomia më e madhe e Evropës, e cila është zhytur në stanjacion – ndërsa po shkon drejt zgjedhjeve të parakohshme.

Trazirat politike dhe fiskale kanë tronditur Francën, e cila është pa një qeveri apo një buxhet për vitin 2025.

Ulja e normave të interesit e bën huamarrjen më të lirë, gjë që mund të nxisë shpenzimet nga bizneset dhe konsumatorët.

Përveç normës së depozitave, BQE vendosi gjithashtu shkurtime tremujore për operacionet e saj kryesore të rifinancimit dhe lehtësinë e saj të huadhënies marxhinale, duke i çuar ato në 3,15% dhe 3,4% respektivisht. //a.i/